یەکێک لە شەقامەکانی کەرکوک - وێنە: 964
ئەوقافی کەرکوک: بۆ هەفتەیەک چالاکییەکانی مەولود رادەگرین
964+
پێشەوا محەمەد
ئەوقافی کەرکوک داوای لە سەرجەم مزگەوتەکانی پارێزگاکە کردووە بۆ ماوەی هەفتەیەک سەرجەم چالاکییەکانی تایبەت بە مەولود رابگرن.
هۆکارەکەی بۆ هاوخەمی رووداوەکەی حەمدانیە گەڕاندووەتەوە.
ئەوقافی کەرکوک لە راگەیەندراوێکدا ئەمڕۆ چوارشەممە 27.9.2023 دەڵێت، “هەفتەیەک ماتەمینی رادەگەیەنین و داوا دەکەین هیچ چالاکییەکی تایبەت بە مەولود ئەنجام نەدرێت”.
شەوی رابردوو ئاگرێک لە ئاهەنگێکی بوک گواستنەوە لە حەمدانیەی پارێزگای نەینەوا کەوتەوە و بەهۆیەوە زیاتر لە 100 کەس گیانیان لەدەستدا و زیاتر لە 200 کەسیش بریندار بوون و سەرۆکوەزیرانی عێراقیش سێ رۆژ ماتەمینی گشتی لە عێراق راگەیاند.
