دیمەنێک لە پاسپۆرتی عێراق _ وێنە: 964
ژمارەیەکی زۆری دەفتەری پاسپۆرت گەیشتە بەغدا
964+
فەهمی نەبی
وەزارەتی ناوخۆی حکومەتی عێراق دەڵێت، ئەمڕۆ هەینی ژمارەیەکی زۆری دەفتەری پاسپۆرتی جۆری A گەیشتووەتە بەغدا و لەسەرەتای هەفتەی داهاتووەوە بەسەر پاریزگاکان دابەشدەکرێت.
ئەمڕۆ هەینی وەزارەتی ناوخۆی عێراق لەسەر زاری لیوا نەشئەت خەفاجی بەڕێوەبەری گشتی رەگەزنامە و پاسپۆرت دەڵێت، دوای ئەوەی لەسەرجەم پارێزگاکان کێشەی نەمانی دەفتەری پاسپۆرت دروستبوو، ئەمڕۆ ژمارەیەکی زۆری دەفتەر گەیشتووەتە بەغدا و دەست بەچاپکردنیان دەکرێت.
لیوا نەشئەت خەفاجی دەڵێت، مانگی داهاتوو ئیدی کێشەی نەمانی دەفتەری پاسپۆرت بەتەواوی کۆتایی دێت.
ئەو بەڕێوەبەرەی پاسپۆرت دەڵیت، دوای ئەوەی نوسینگەی پاسپۆرت لە ئەستەنبوڵ کراوەتەوە، لەدەرفەتێکی نزیک نوسینگەی پاسپۆرت لە ئیمارات، مالیزیا و سعودیە دەکرێتەوە.
"ھەر ھاوڵاتیەک زۆر پێویست نەبێت دەفتەری پاسپۆرتی نادرێتەوە"
