یەکێک لە نافورەکانی هەولێر. وێنە:ئەندازەی پارکەکانی هەولێر.
هەولێر 116 نافورەی هەیە و ژمارەیەکیان کار ناکەن
964+
فەهمی نەبی
لە سەنتەری شاری هەولێر و لەچەندین شوێنی جیاواز 116 نافورە هەیە، بەڵام لەو ژمارەیە 26 نافورەیان کار ناکەن و بەهۆکاری جیاواز لەکارکەوتوون، هەندێکی دیکەیان گرفتی هەیە.
964 بەدواداچوونی کردووە لەو ژمارە نافورەی لە هەولێر هەن، دەرکەوتووە بەشێکیان کارناکەن بەهۆی کێشەی تەکنیکی بەشێکی دیکەیان بەهۆی نەبوونی ئاو لە وەرزی هاوین کاریان پیناکرێت.
سەروەر وەیسی بەڕیوەبەری راگەیاندنی ئەندازەی پارکەکانی هەولێر بۆ 964 وتی، لە وەرزی هاوین ناتوانین بەشێک لە نافورەکان دابگیرسێنین، ئاو بۆ خواردنەوە کەمە هیچ گرینگ نییە ئەو نافورانە لەو وەرزە کار بکەن.
یەکێک لەو نافوارانەی لەکارکەوتووە، نافورەی پارکی شارنەدەرە کە ساڵێک زیاتر بەهۆی کێشەی نەبوونی ئاو و تەکنیکی نەتوانراوە کاری پێبکرێت.