تونێلی دەربەندیخان دادەخرێت

964+

توانا نەقی

بەهۆی قیرتاوکردنی شەقامی بەردەم تونێلی دەربەندیخان بۆ ماوەی 24 کاتژمێر تونێلەکە دادخرێت و شاخی بەرانان دەبێتە رێگەی شۆفێران.

داخستنەکە لە کاتژمێر 6:00ـی بەیانی سبەینێ 1.8.2023 تا کاتژمێر 6:00 بەیانی 2.8.2023 دەبێت.

جاسم محەمەد، بەڕێوەبەری هاتوچۆی دەربەندیخان بە 964ـی وت، قیرتاوکردنی سایدێکی تەواو بووە بەڵام سبەینێ قیرتاوکردنی سایدی دووەم دەستپێدەکات تا بەردەم فولکەی پەریدەریا و ناچارن تونێلەکە دابخەن.

وتیشی، شۆفێران دەتوانن رێگەی شاخی بەرانان بەکار بهێنن جگە لە بارهەڵگر و تانکەری سووتەمەنی کە دەبێت لە گوندی بانیخێڵانەوە داخلی رێگای سەنگاوبن و ئەو 24 کاتژمێرە لەوێوە هاتوچۆ بکەن