هەوڵگری عێراق دەستگیری کردوون

سێ کەس لە کوردستانەوە دۆلاریان بە قاچاخ رەوانەی دەرەوەی عێراق کردووە

964+

پێشەوا محەمەد

سێ کەس لە پارێزگای دیالە دەستگیر کراون، کە بە پێی راگەیەندراوێکی دەزگای هەواڵگری عێراق لە کوردستانەوە دۆلاریان بە قاچاخ رەوانەی دەرەوە کردووە.

لە کاتی دەستگیرکردنیاندا 128 هەزار و 500 دۆلاریان پێوەگیراوە.

بە پێی راگەیەندراوەکەی دەزگای هەواڵگری عێراق، ئەو سێ کەسە دانیشتووی دیالەن و لەوێوە دۆلاریان بردووەتە هەرێمی کوردستان و دواتر بردوویانەتە دەرەوە.

دەزگاکە هاوڵاتیانی ئاگادار کردووەتەوە لە کاتی گومانکردنیان لە هەر پارەیەکی نەختینەیی پەیوەندی بکەن بە هێڵی گەرمی بانکی ناوەندی عێراقەوە.