گەرمیان هەر یەکەمە

دیسان پلەکانی گەرما بەرزدەبنەوە

964+


ژووری هەواڵ

بەگوێرەی کەشناسی، پلەکانی گەرما ئەمڕۆ هاوشێوەی دوێنێ دەبێت و سبەی هەینی کەمێکی تر بەرزدەبنەوە.

ئەمڕۆ پێنجشەممە و سبەی هەینی تینی گەرما دەگاتە 45 پلەی سیلیزی لە گەرمیان و نزمترینیش لە حاجی ئۆمەران دەبێت بە 31 پلە.

کەمێک لەمەوبەر، بەشی پێشبینی لە وەزارەتی گواستنەوە و گەیاندنی هەرێمی کوردستان ئەم داتایانەی راگەیاند.

لەبارەی دابەزینی پلەکانی گەرماوە، کەشناسی هیچی رانەگەیاندووە، وادیارە تا ماوەیەکی نادیار گەرماکە بە هەمان پلەوە بەردەوام دەبێت.