نەخۆشخانەیەکیان بۆ دەکرێتەوە

چیتر نەخۆشانی بیارە پێویست ناکات بۆ چارەسەر بچنە شوێنی دیکە

964+

پێشەوا محەمەد

ناحیەی بیارە دەبێتە خاوەنی نەخۆشخانەیەکی 40 قەرەوێڵەیی، کە سەرجەم بەشە پزیشکییەکان بە پزیشکی پسپۆڕەوە لەخۆ دەگرێت.

سەرجەم ئامێر و کەلوپەلە پێویستەکانی بۆ دابین کراوە و وا بڕیارە لە ئاییندەیەکی نزیکدا بکرێتەوە.

نەخۆشخانەکە بەشی لەدایکبوونی سروشتی، بەشی فریاکەوتنی خێرا و چاودێریی دایکایەتیش لەخۆ دەگرێت.

حەمید بارام، بەڕێوەبەری ناحیەی بیارە بە 964ـی راگەیاند، نەخۆشخانەکە بەشی نەشتەرگەریی گەورە و بچووکیشی تێدا دەبێت.

وتیشی، نەخۆشخانەکە خزمەتێکی گەورە بە ناوچەکە دەکات و چیتر پێویست ناکات نەخۆشەکانی سنوورەکە بچنە دەرەوەی ناحیەکە بۆ چارەسەر.