داهاتی نانەوتی ئەم هەفتەیەی سلێمانی و هەڵەبجە بەرزبووەتەوە
بزانە هەفتەی پێشوو چەند بوو؟
داهاتی نانەوتی سلێمانی و هەڵەبجە بەرزبووەوە و 11 ملیاری تێپەڕاند
شۆڕش قادری
داهاتی نانەوتی ئەم هەفتەیەی پارێزگاکانی سلێمانی و هەڵەبجە بەهەردوو ئیدارەی گەرمیان و راپەڕینەوە 11 ملیار و 773 ملیۆن دیناری تێپەڕاند و بەراورد بە هەفتەی رابردوو ملیارێک زیاتر بەرزبووەتەوە.
بەپێی نوێترین داتا و ئاماری ماڵپەڕی شەفافیەت، داهاتی نانەوتیی هەردوو پارێزگای سلێمانی و هەڵەبجە و هەردوو ئیدارەی راپەڕین و گەرمیان لە رۆژی 19.9.2026ـەوە تا ئەمڕۆ هەینی 25.9.2026، 11 ملیار و 773 ملیۆن و 224 هەزار و 228 دینارە، لەکاتێکدا هەفتەی پێشوو، 10 ملیار و 750 ملیۆن و 779 هەزار و 188 دینار بوو.
لە داهاتی ئەم هەفتەیەی پارێزگاکانی سلێمانی و هەڵەبجە، بڕی 8 ملیار و دوو ملیۆن و 638 هەزار و 449 دیناری بە شێوەی نەختینە، سێ ملیار و 770 ملیۆن و 129 هەزار و 479 دیناری چەک و 456 هەزار و 300 دیناریشی مقاسە.
ماڵپەڕی شەفافییەت هەموو هەفتەیەک داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین دەخاتەڕوو.
ئەو داهاتەی ماڵپەڕەکە ئاشکرای دەکات، لە دەروازە سنوورییەکان، فڕۆکەخانە، گومرگ، کرێی کێش و پێوەرەکان، پێبژاردن و سزای دارایی، پشکنینەکان، رسووماتی بەخشین، ژینگەی ئۆتۆمبێل، تابلۆ و داهاتی شارەوانییەکان، بەدەستهاتووە.