وێنەی بێچوەشێرانی نادی پێشمەرگە بۆ بۆکسێن. وێنە: نادی بێشمەرگە
سلێمانی باوەشی بۆ بۆکسێنەرانی عێراق دەکاتەوە
964+
یادگار محەمەد – سلێمانی
لە شاری سلێمانی پاڵەوانیەتی بۆکسێنی بێچووەشێرانی یانەکانی عێراق ئەنجام دەدرێت.
بەسەرپەرشتی فیدراسیۆنی بۆکسێنی عێراق و بەهاوکاری لقی سلێمانی، لە هۆڵی یانەی ئاشتی پاڵەوانیەتی بۆکسێن بۆ بێچووەشێرانی یانەکانی عێراق بۆ هەردوو ئاستی کوران و کچان بەڕێوەدەچێت.
بڵند مەحمود، ئەندامی لقی سلێمانی فیدراسیۆنی بۆکسێن بە 964ـی راگەیاند، لەم ساڵدا ئەمە یەکەم پاڵەوانیەتییە کە بۆ ئاستی بێچووەشێران دەکرێتەوە.
وتیشی، پاڵەوانیەتییەکە ماوەی پێنج رۆژ دەخایەنێت و یاریزانانی سەرکەوتوو دەگەنە ریزی هەڵبژاردەی عێراق.
بڕیارە لە رۆژانی 20 تا 24ـی ئەم مانگە و لەنێو هۆڵی یانەی ئاشتی لە شاری سلێمانی، پاڵەوانیەتی بۆکسێنی یانەکانی عێراق بەرێوەبچێت و تا ئێستا دیار نییە کە چەند یانە ئامادەیی دەربڕیوە بۆ بەشداریکردن.
پێداچوونەوە: توانا نەقی