چەند بیرێکی ئاو بۆ زانکۆی سلێمانی لێدەدرێت

964+

پێشەوا محەمەد

زانکۆی سلێمانی لەگەڵ بەڕێوەبەرایەتی ئاوی ژێرزەوی رێککەوتووە چەند بیرێکی ئاو لەناو زانکۆی سلێمانی لێبدرێت.

بیرەکان بە پێی پێویستیی کۆلێژەکان لێدەدرێن و کۆلێژی جیۆلۆجی زانکۆکەک بڕیار دەدات لەکوێ و بۆ کام کۆلێژ لێبدرێت.

یەکەم بیر بۆ کۆلێژی کشتوکاڵ لێدەدرێت و لە ئێستادا کۆلێژی جیۆلۆجی و کشتوکاڵ سەرقاڵی دیاریکردنی شوێنەکەن.

“لە پێشتردا ناوبەناو زانکۆکە کێشەی ئاوی هەبوو و لە کاتی شکان یان گرفتێکی ئاودا ئەوان بێ ئاو دەبوون ئەم هەوڵە بۆ چارەسەرکردنی کێشەی ئاوە لە زانکۆکەکەدا”، عەباس عەلی، بەڕێوەبەری ئاوی ژێرزەوی سلێمانی وای بە 964 وت.