ئەگەر کێشەیان هەبێت

شاره‌وانیى رانیه‌ “هێزه‌كانی كۆماندۆ” به‌كارده‌هێنێت

964+

فه‌رهاد حه‌سه‌ن

شاره‌وانیى رانیه‌ ده‌ڵێت، له‌مه‌ودوا هێزه‌كانى كۆماندۆ، پاڵشتی كاره‌كانیان ده‌كه‌ن له‌ ئه‌گه‌رى دروستبوونى هه‌ر كێشه‌ و ئاسته‌نگییه‌ك.

هێزه‌كانى كۆماندۆ، هێزێكی سه‌ربازی حزبیه‌ و سه‌ر به‌ یه‌كێتى نیشتمانى كوردستانه‌ و له‌ زۆربه‌ى ناوچه‌كانى سنوورى پارێزگاى سلێمانى و هه‌ردوو ئیداره‌ سه‌ربه‌خۆكه‌ى راپه‌ڕین و گه‌رمیان بڵاوبوونه‌ته‌وه‌.

به‌رهه‌م ره‌سوڵ، سه‌رۆكى شاره‌وانیى رانیه‌، به‌ 964ـى راگه‌یاند، ئه‌مڕۆ شاندێكی ئه‌و هێزه‌ سه‌ردانی سه‌رۆكى شاره‌وانى رانیه‌یان كردووه‌ و پاڵپشتى خۆیان بۆ كاره‌كانى شاره‌وانى دووپات كردووه‌ته‌وه‌.

وتیشى “له‌ ئه‌گه‌ری دروستبوونى هه‌ر كێشه‌و گرفتێك كه‌ شاره‌وانیمان رووبه‌ڕووى ببێته‌وه‌، ئه‌و هێزه‌ پاڵپشیمان ده‌كه‌ن”.

له‌ باره‌ى كێشه‌ و گرفته‌كانیان، به‌رهه‌م ره‌سوڵ ئاماژه‌ى به‌وه‌دا، كێشه‌و گرفتێكی وایان نییه‌ و له‌ باره‌ى سه‌رپێچییه‌كانى خه‌ڵكیشه‌وه‌ بۆ سه‌ر موڵكی گشتى وتى “سنوورى شاره‌وانییه‌كه‌مان بۆ ئه‌م بابه‌ته‌ زۆرباشه‌ و له‌ خاڵى سفردایه‌”.