لە چەمچەماڵ سێ تۆن و نیو دۆی پەرداخ لەناوبرا

964+

هاوبەش ئەبوبەکر

لە بازگەی بانی مەقان کەسێک ویستویەتی سێ تۆن و نیو دۆی پەرداخ، کە بەرواری بەسەرچوونی نزیک بووە، بهێنێتە نێو قەزای چەمچەماڵەوە، بەڵام پێیان زانیوە و بارەکەی دەستیبەسەردا گیراوە.

ئەمڕۆ چوارشەممە، بەڕێوەبەرایەتی تەندروستی چەمچەماڵ لە فەیسبووک رایگەیاند، خاوەنەکەی ویستویەتی ئەو بارە دۆیە لە بازاڕدا ساغ بکاتەوە.

دەشڵێت، لیژنەکانی قایمقامیەتی چەمچەماڵ و چاودێری تەندروستی مەڵبەندی خۆپاراستن، دۆیەکەیان لەناوبردووە.

هەموو دۆیەکە لەجۆری “هالە”یە، کە دروستکراوی عێراقە و لەناو پەرداخ کراوە.