تا غەرامە نەکراون تانکیەکانتان پاکبکەنەوە

هونەر فارس

چێشتخانە و نانەواخانەکانی دەربەندیخان تا هەفتەیەک تانکی ئاوەکانیان پاک نەکەنەوە سزادەدرێن.

لیژنەکانی قایمقامیەتی قەزای دەربەندیخان، لە ئەمڕۆ 29.5.2023وە، پسوڵەی ئاگادارکردنەوەیان بۆ سەرجەم ئەو شوێنانە کردووە کە پێویستە تانکیەکانیان پاکبکەنەوە، مۆڵەتەکەش تەنیا هەفتەیەکە.

پاککردنەوەی تانکی ئاوی چێشتخانە و نانەواخانەکان، دوای نزیکبوونەوە لە وەرزی هاوین و بەرزبوونەوەی پلەکانی گەرما دێت.

هۆکارەکەی لەپێناو پاراستنی گیانی هاوڵاتیان و دووربوونە لە ڤایرۆس و نەخۆشی، بە وتەی سلێمان محەمەد قایمقامی دەربەندیخان بۆ 964.