دیمەنی ئەو تۆمەتبارەی پۆلیس دەستگیری کردووە. وێنە پۆلیسی سلێمانی
نزیکەی 600 هەزار دۆلاری بە فێڵ لە هاوڵاتیان وەرگرتووە و دەستگیرکرا
964+
توانا نەقی
لە سلێمانی تۆمەتبارێک دەستگیرکرا کە نزیکەی 600 هەزار دۆلاری لە هاوڵاتیان وەرگرتووە.
پۆلیسی سلێمانی بڵاویکردووەتەوە ، مەفرەزەکانی بنکەی پۆلیسی سەیوان تۆمەتبارێکیان دەستگیرکردووە، کە بڕی 58 دەفتەر دۆلار و شەش هەزار و 500 دۆلاری بە فێڵ لە هاوڵاتیان وەرگرتووە.
دوای ئەوەی هاوڵاتیەک سکاڵای تۆمارد کردووە کە مامەڵەی لەگەڵ کەسێک کردووە بەوەی چوار کیلۆ ئاڵتونی بۆ بهێنێت بەرامبەر بە 326 هەزار دۆلار، بەڵام پارەکەی بردووە و هەڵاتووە.
دوای لێکۆڵینەوەکانی پۆلیس توانرا تۆمەتبارێک دەستگیر بکەن کە بڕی 58 دەفتەر و 6500 دۆلاری بە فێڵ لە هاوڵاتیان وەرگرتووە و بە جۆرێک لە دۆسێیەکدا بڕی 32 دەفتەر و لە دۆسێیەکی تردا بڕی 20 دەفتەر و لە دانەیەکی تردا کە دەکاتە سێ دۆسیە شەش دەفتەر دۆلاری لە رێگەی حەواڵەوە لە هاوڵاتیان وەرگرتووە.
لە ئێستادا تۆمەتبار (ب، ع، ع) لە دایکبووی ساڵی 1996 بە بڕیاری دادوەر بە پێی مادەی 456 لە یاسای سزادانی عێراقی راگیراوە و لێکۆڵینەوە لەگەڵیدا بەردەوامە.