شەوی گۆڕانکارییە خێراکان؛ لە لێدانی ئێرانەوە بۆ نەخشەڕێگای ئاشتی لە لوبنان

964+

📌عێراق نەیتوانی لەگەڵ سەنیگال سەرکەوێت و بە فەرمی ماڵئاوایی لە مۆندیال کرد و پێنج گۆڵی خوارد.

📌ئێران ئاگربەستی پێشێل کرد و هێرشی کردە کەشتییەکی ئەمریکا لە گەرووی هورمز و هەر شەو ترەمپ بە سێ وشە وەڵامی هێرشەکەی ئێرانی دایەوە و وتی؛ دەیبینن، چەند کاتژمێرێکی کەم دوای ئەم قسەیەی ترەمپ ئەمریکاش دەستی خۆی وەشاندەوە.

📌ترەمپ: من پێم خۆش نەبوو کە ئەوان هێرشیان کرد، سێ دانەمان تێکشکاند، بەڵام ئەو کەشتییە هی هاوپەیمانان نەبوو، کەشتییەکی زۆر گرانبەها بوو، ئاسای بوو گورزێکی بچووکی بەرکەوت، هەرچەند نەدەبوو ئەو کارە بکەن،

📌سوپای ئەمریکا: لە وەڵامی هێرشەکەی سەر کەشتییە بازرگانییەکە، هێرشی ئاسمانیمان بۆ سەر ئێران ئەنجامداوە.

📌 نیویۆرک تایمز لە زاری بەرپرسێکی ئەمریکی: ئەو هێرشانەی کە پێگە ئێرانییەکانیان کردووەتە ئامانج، بە مەبەستی وەڵامدانەوەی هێرشەکەی سەر کەشتییە بازرگانییەکان بووە، نەک دەستپێکردنەوەی ئۆپەراسیۆنی شەڕکەری بەرفراوان.

📌سێنتکۆم: پێگەکانی کۆگا کردنی مووشەک و درۆنەکانی ئێران و پێگەکانی راداری کەناراوەکانمان کردووەتە ئامانج.

📌ڤانس: ئەگەر ئێران ناڕەزایەتی هەیە لەسەر چۆنیەتی جێبەجێکردنی یادداشتی لێکتێگەیشتنەکە، دەتوانێت پەیوەندی تەلەفۆنی بکات، توندوتیژی بە توندوتیژی وەڵام دەدرێتەوە.

📌شەوی رابردوو بەفەرمی بە نێوەندگیری ئەمریکا لوبنان و ئیسرائیل رێککەوتنیان واژۆ کرد.

📌وەزیری دەرەوەی ئەمریکا: ئەمریکا شانازی دەکات بەوەی بەشێکە لە رێککەوتنی چوارچێوەی سێقۆڵی مێژوویی نێوان ئیسرائیل و لوبنان.

📌باڵیۆزی ئیسرائیل لە ویلایەتە یەکگرتووەکانی ئەمریکا: رێککەوتنی سێقۆڵی کە لەسەر بنەمای ئەنجام و کارکردنە، ئێران و ح*زبو*ڵا بەدووردەخاتەوە و سەرەتایەکە بۆ رێگای ئاشتی نێوان ئیسرائیل و لوبنان، ئێمە هەوڵ بۆ ئاشتییەکی راستەقینە دەدەین

📌وەزارەتی دەرەوەی ئەمریکا: وەزارەتی جەنگ ئامادەیە قەرەبووی سوپای لوبنان بکاتەوە بە بڕی زیاتر لە 30 ملیۆن دۆلار، هاوکاری مرۆیی بەپەلە بە بەهای 100 ملیۆن دۆلار پێشکەش دەکات.

📌وەزارەتی دەرەوەی ئەمریکا: رێککەوتنی ئیسرائیل و لوبنان پرۆسەیەکی روون و رێکخراو دادەمەزرێنێت بۆ گەڕاندنەوەی سەروەری لوبنان و داماڵینی چەکی ح*زبو*ڵا و هەڵوەشاندنەوەی ژێرخانی تیرۆریستی ئەو حیزبە، کە مەترسیدارترین باڵی ئێرانە، بەردەوام لوبنانی کێشکردووە بۆ ناو شەڕی وێرانکەر.

📌سەرۆک وەزیرانی لوبنان: ئەو چوارچێوەیەی کە بە سەرپەرشتی ئەمریکا گەیشتووەتە ئەنجام، ئامانجی بەدیهێنانی کشانەوەی تەواوەتی ئیسرائیل و گەڕاندنەوەی سەروەری دەوڵەتە.

📌ترەمپ: ناتوانم درۆ بکەم کەس نایەوێت ببێتە سەرۆکی ئێران، ئەو میدیایانەش کە دەنوسن ئێران لە چوار مانگی رابردوودا بەهێزتر بووە چەوەشەکارن و ئێرانییەکان پەرۆشی واژۆکردنی رێککەوتن بوون و بە زۆر شتی ئەمریکا رازی بوون.

📌 نەتانیاهۆ : دەستکەوتێکی گەورەمان بۆ ئیسرائیل بەدەستهێنا و رێککەوتنی نێوان ئیسرائیل و لوبنان لێدانێکی بەهێزە لە ئێران، ئیسرائیل لە پشتێنەی ئەمنیدا دەمێنێتەوە تا ئەو کاتەی ح*زبو*ڵا لە چەک داماڵرێت

📌میدیای ئێران: ئێوارەی دوێنێ هەینی چەند چەکدارێک هێرشیان کردووەتە سەر خاڵی پشکنینی بانە بۆ سەقز و لە ئەنجامدا دوو ئەندامی هێزە ئەمنییەکان کوژراون و پێنج کەسی دیکەش برینداربوون.