عەرەبانە و دەسگێڕەكانی سەد مەتری لابران
+964
سەرجەم عەرەبانە و سەیارە و دەسگێڕەكانی شەقامی سەد مەتری هەولێر لادران، ئەگەر دووبارە دابنرێنەوە سزا دەدرێن.
لە شەقامی سەد مەتری لە نزیك بەرزەپردی كەركوك تا دەگات بە فلكەی باز، لەم بەرو ئەو بەری شەقامەكەوە، ژمارەیەك عەرەبانە و دەستگێر، شوتی و تەماتە و پەتاتە و سێو وپرتەقاڵ و بانزین و نەوت و پاكەت و چەند شتێكی دیكە دەفرۆشن.
ماوەی چەند ساڵێكە ئەو عەرەبانە و دەستگێڕانە لەسەر ئەو شەقامەن، ئەمرۆ هەینی 5.5.2023 شارەوانی هەولێر سەرجەم عەرەبانە و دەسگێڕەكانی لابرد.
پارێزگاری هەولێر، لە فەیسبوك نوسیویەتی، ئەمڕۆ تەواوی عەرەبانەكان لادران و ئەگەریش دووبارە دانبرێنەوە سزا دەدرێن.
لە وێنەكاندا دەردەكەوێت، عەرەبانە و ئۆتۆمبێلەكان و خێمەكان، بە شۆفڵ و عەرەبانە كۆدەكرێنەوە و لادەدرێن.