بەڕێوەبەری شارەوانیی خانەقین دەگۆڕدرێت

+964

راژان باجەڵان – خانەقین

بە فەرمانی پارێزگاری دیالە، بەڕێوەبەری شارەوانیی خانەقین گۆڕدرا و ئێستادا به‌ شێوه‌یه‌كی كاتی كه‌سێكی دیكه‌ پۆسته‌كه‌ به‌ڕێوه‌ده‌بات.

تۆڕی 964 ده‌زانێت، دوای گۆڕینی مەریەم غەفووری به‌ڕێوه‌به‌ری شاره‌وانیی خانه‌قین، ئێستا پۆسته‌كه‌ لە لایەن بەڕێوەبەری گشتیی شارەوانییەکانی دیالەوە (عەبدولناسڕ موزەفەر) بەڕێوەدەبرێت، تا هەڵبژاردنی کەسێکی گونجاو بۆ گرتنه‌ده‌ستی ئەم پۆستە.

ئەم هەنگاوە پاش ناڕەزایەتییەکی زۆری دانیشتووانی شارەکە بەرامبەر بە کار و پڕۆژەکانی شارەوانی هات، کە زۆربەیان لە کوالێتییه‌كی خراپدا بوون و زۆر پڕۆژەی دیكه‌ش پشتگوێ خرابوون.

پێداچوونەوە: ئەرسەلان عەبدوڵا