مەشروب خواردنەوە لە سەر بەنداوی سەروچاوە قەدەغەکرا

فەرهاد حەسەن

سەرۆکایەتی شارەوانی سەروچاوە دەڵێت، لەبەرئەوەی بەنداوی شارۆچەکەکەیان شوێنێکی گشتییە بۆیە بەهەموو شێوەیەک مەشروب خواردنەوە “کحولییەکان” لێ قەدەغە کرد.

بەپێی ئاگادارییەک شارەوانی، بەنداوی سەروچاوە شوێنێکی گشتیە و مافی هەر هاوڵاتیەکە بۆ کات بەسەربردن و خۆ فێنککردنەوە سەردانی ئەم شوێنە بکات و نابێت هیچ کەسێک ببێتە هۆی بێزارکردنی کەسانی دەوروبەری بۆیە لەپێناو پاراستنی گیانی خۆتان، ئاگاداری هاوڵاتیان دەکاتەوە کە بە هەموو شێوەیەک خواردنەوەی ماددەکحولیەکان لەدەوروبەری بەنداوەکە قەدەغەیە .

داواش لە هاوڵاتیان دەکات، هەر کەسێک حاڵەتێکی وای بینی راستەوخۆ لایەنە ئەمنییەکان ئاگاداربکاتەوە.