رەنگە یەکەم رۆژی جەژن باران ببارێت
+964
دیلان محەمەد جەزا
بە پێی پێشبینییەکان تا کۆتایی ئەم هەفتەیە کەشوهەوا بە جێگیری دەمێنێتەوە و لە کۆتایی هەفتەدا گۆڕانکاری بەسەردا دێت.
لە رۆژی هەینیدا بە گشتی کەشی هەرێمی کوردستان ناسەقامگیری بەخۆیەوە دەبینێت و پێشبینی بارانبارین دەکرێت، کە رەنگە رۆژی یەکەمی جەژنی رەمەزان بێت.
تا ئێستا مانگێکی وەرزی بەهار تێنەپەڕیوە و دوو مانگ زیاتری ماوە و پێشبینیی دەکرێت بارانبارین لە مانگی پێنجیشدا بەردەوام بێت.
ئاسۆ کەمال بەڕێوەبەری کەشناسی سلێمانی بە تۆڕی 964 ی راگەیاند، بارانبارینی ئەمساڵ رێژەی لە 120% باشتر بووە، وەرزەکانی بەهارو پاییز بۆ بارانبارین زۆر باش بووە ئەمساڵ.
پێداچوونەوە: ئەرسەلان عەبدوڵا