زیاتر لە 80 کیلۆ جگەر و گۆشتی خراپبوو دەستی بەسەرداگیرا

شۆڕش قادری

لەناو بازاڕی حاجیاوا 83 کیلۆ جگەر و گۆشتی بەستووی خراپبوو لە دوکانی گۆشفرۆشەکان دەستی بەسەراگیرا و لەناوبرا.

بەپێی راگەیەنراوێکی قایمقامیەتی قەزای رانیە، لێژنە هاوبەشەکانیان لەگەڵ بەشی ئابووری / بەرێوەبەرایەتی ئاسایشی راپەڕین و هۆبەی ڤێتێرنەری حاجیاوا، بەدواداچوونیان بۆچەند شوێنکارێکی گۆشتفرۆشی کردووە.

لەو هەڵمەتەدا 83 کیلۆ جگەر و گۆشتی بەستوو کە شیاوی خواردن نەبوو، دەستی بەسەرداگیراوە و هەموو لەناوبراوە.

قایمقامیەتی رانیە گۆشتفرۆشەکانی سزا داوە و رێکاری یاساییان بەرامبەر گیراوەتەبەر.