خۆپیشاندانی بەرفراوان و توندوتیژی لە ئەوروپا و هەڕەشەکانی ناتانیاهۆ

964+

پەری ساڵح

کورت و پوخت ئەوەی لەم چەند کاتژمێرەی رابردوودا روویداوە و ئاگاداری نەبوون، لێرەوە بیخوێننەوە:

📌لە شەش وڵاتی ئەوروپا (فەرەنسا، ئیتاڵیا و بەلجیکا و ئیسپانیا و پرتوگال و ئەلبانیا) خۆپیشاندانی بەرفراوان سەریهەڵداوە و گرژی و ئاڵۆزی و تەنانەت لە هەندێ شوێن تاڵانیشی لێکەوتووەتەوە بەتایبەت دۆخی فەرەنسا زۆر تێکچووە.

📌ئیمانیۆل ماکرۆن، ئەوانەی تاڵانییان کرد و ئەوانەی هێرشییان کردەسەر دامەزراوە حکومییەکان پێویستە باجی تاوانەکانیان بدەن، نابێت هەرگیز خۆپیشاندەرانی ئاشتیخواز لەگەڵ تێکدەر و تاڵانچییدا تێکەڵ بکەین

📌وەزارەتی ناوخۆی فەرەنسا: دوو هەزار و 397 کەس دەستگیرکراون و 997 ئەندامی هێزە ئەمنییەکان لە ئەنجامی توندوتیژییەکانی فەرەنسادا برینداربوون.

سەرۆکی فەرەنسا: دەستلەکارکێشانەوەی وەزیری ناوخۆ رەت دەکاتەوە لە دوای ئەو خۆپیشاندان و توندوتیژییانەی لە چەند شارێکدا رووی دا.

📌وەزیری وزەی ئەمریکا بە فۆکس نیوزی رایگەیاند، ترەمپ رێگە نادات ئەو سەرۆکەی دوای ئەو دێت، رووبەڕووی ئێرانێکی خاوەن چەکی ئەتۆمی ببێتەوە و ئەو پرسە بۆ جێگرەوەکەی جێناهێڵێت

📌عەباس عێراقچی: نەتانیاهۆ بەبێ گوێدانە لێکەوتەکان بۆ سەر ئیسرائیل و سەرۆکی ئەمریکا، هەوڵ دەدات ئەمریکا پەلکێشی ناو شەڕێکی نوێ بکات

📌میدیا ئیسرائیلییەکان: فڕۆکەیەکی هێڵی ئاسمانی نەمسا کە لە تەلئەبیبەوە بەرەو ڤیەنا بەڕێکەوتبوو، بەهۆی بوونی هەڕەشەی بۆمبەوە لە بولگاریا نیشتووتەوە

📌ناتانیاهۆ: دوای هەڵبژاردنەکان کار بۆ پێکهێنانی حکومەتێکی نیشتمانی دەکەین.

📌ناتانیاهۆ: لە سایەی سەرۆکایەتی رەجەب تەیب ئەردۆغاندا پێشبینی گەڕانەوەی پەیوەندییە باشەکان لەگەڵ ئەنقەرە ناکەم و هیوادارم نەگاتە ئاستی بەریەککەوتنی راستەوخۆ لە نێوان ئیسرائیل و تورکیا.

📌ناتانیاهۆ جەخت دەکاتەوە لەسەر رەتکردنەوەی دامەزراندنی دەوڵەتێکی سەربرخۆی فەڵەستینی تا ئەو کاتەی لە پۆستەکەیدا بمێنێتەوە.

📌ناتانیاهۆ : ئیسرائیل کار بۆ تێکشکاندنی هەمیشەیی رژێمی ئێران و لەناوچوونی حەماس و حز*بو*ڵڵا دەکات.

📌رۆیتەرز: کینیا تووشبوونێکی تری بە ڤایرۆسی “ئێبۆلا” پشتڕاستکردەوە، بەمەش ژمارەی تووشبووان لەو وڵاتە گەیشتە 8 حاڵەت.

📌وەزارەتی بەرگریی رووسیا: هێرشمان کردە سەر دامەزراوە پیشەسازییە سەربازییەکان، شوێنەکانی هەڵگرتنی مووشەکی کرۆز و ناوەندەکانی داتا لە ئۆکرانیا.

📌رۆبیۆ وەزیری دەرەوەی ئەمریکا: بەردەوام دەبین لە گەڕان بەدوای ڕێگەیەکدا بۆ کۆتاییهێنان بە جەنگ لە ئۆکرانیا.

📌ئاژانسی بلومبێرگ لە زێلێنسکییەوە: ترەمب ئۆکرانیا ناچار دەکات کە خۆ بەدەستەوە بدات لە بەرامبەر رووسیادا.

📌ترەمب: رێوشوێنە چاوەڕواننەکراوەکانی ئەم دواییە بەرامبەر بە رووسیا ئامانج لێیان ئەوەیە کە لە دانوستانەکانی ئاشتیدا بمێنێتەوە.