مامۆستایانی بەشە ئەندازیاری و تەکنەلۆجییەکان گردبوونەوە

دیلان محەمەدجەزا – سلێمانی

ئەمڕۆ ژمارەیەک لە مامۆستایانی بەشە ئەندازیاری و تەکنەلۆجییەکان لە سلێمانی، لەسەر بڵاوبوونەوەی دەنگۆی بڕینی دەرماڵەی مەترسی، گردبوونەوە و داوا دەکەن دەرماڵەکەیان نەبڕدرێ.

ئەو مامۆستایانە بە 964ـیان وت: دەرماڵەی مەترسییان لە سەدا 30 بووە و پێشتر %10ـەیان لێبڕدراوە، ئێستاش دەنگۆی ئەوە هەیە %20ـی دەرماڵەکە کە ماوە ئەویش ببڕن بە بیانووی ئەوەی هیچ مەترسییەکەیان لەسەر نییە.

د. رێکەوت رەشید، مامۆستای پەیمانگا لە گردبوونەوەکە بە 964ـی وت: ژمارەی سەرجەم مامۆستاکانی ئەم بەشانە نزیکەی 300 مامۆستا دەبێت کە ژمارەیەکی زۆر نییە، بۆیە دابینکردنی دەرماڵەکانیان کاریگەری لەسەر بودجەی هەرێمی کوردستان نابێت.

پێداچوونەوە: هەژان هادی