لە زێی قەندیل ژنێک و دوو گەنج خنکاون

ئاکام غەفور – سۆران

سەرچاوەیەک لە بەرگرى شارستانى قەندیل بە پەیامنێرى 964ـى وت،”ئەم بەیانییە لە زێی قەندیل ژنێک و دوو گەنج خنکاون و تەرمی ژنەکە دۆزراوەتەوە و دەگەڕێن بەدوای دوو گەنجەکەشدا”.

روو داوەکە لە زێی قەندیل لە سنووری گوندی چەمێ لە قەزای هەریر روویداوە.

لە ئێستادا تیمەکانی بەرگری شارستانی بەڕێکەوتوون بۆ شوێنی رووداوەکە و دەگەڕێن بەدوای تەرمی دوو گەنجەکەدا.

نوێکردنەوە11:40 خولەک:

شاخەوان سەعید، وتەبێژى بەرگرى شارستانى هەولێر بە 964ـى وت،”تیمەکانمان گەیشتوونەتە شوێنى رووداوەکە و تەرمى ژنەکەیان هێناوەتەوە بۆ پزیشکى دادى هەولێر”.

لەبارەى دوو کەسەکەى تر، شاخەوان سەعید روونى کردەوە کە هیچ کەسێک لە شوێنى رووداوەکە نەبووە و نەیان وتووە کەسى تر خنکاوە بۆیە ئەوەى هەیە یەک کەسە.

پێداچوونەوە: توانا نەقی