نرخی نەوت هەر روو لە بەرزبوونەوەیە

توانا نەقی

دوای دابەزینی نرخی نەوت لە چەند رۆژی رابردوودا، ئەوە دوو رۆژە لەسەر یەک بەشێوەیەکی بەرچاو بەرزبووەتەوە و هەر بەرمیلێک لە سەروو 107 دۆلارەوە مامەڵەی پێوە دەکرێت.

ئەمڕۆ سێشەممە 15.9.2026 و لەکاتی کردنەوەی بازاڕی جیهانیی نەوت، نرخی یەک بەرمیل نەوتی خاوی برێنت بە 107 دۆلار و 3 سەنت دیاری کراوە و نرخەکەی بەراورد بە دوێنێ ئێوارە بەڕێژەی 1.67٪ بەرزبووەتەوە.

هاوکات نرخی یەک بەرمیل نەوتی سووکی تەکساس بە 103 دۆلار و 2 سەنت مامەڵە دەکرێت و ئەویش نرخەکەی بەڕێژەی 1.80٪ بەرزبووەتەوە.

ئەم بەرزبوونەوەیەی نرخی نەوت دوای ئەوە دێت کە گرژی و ئاڵۆزییەکانی نێوان ئەمریکا و ئێران لە گەرووی هورمز خەریکە پەرە دەستێنێتەوە و دوێنێ چەند کەشتییەک لە نزیک ئاوەکانی ئێران کرانە ئامانج.

لەلایەکی دیکەشەوە ئاڵۆزیەکانی یەمەن و نزیکبوونەوەی حوسیەکان لەداخستنی تەواوەتی گەرووی بابولمەندەب هۆکارێکی دیکەیە.