لە پێشانگای ئاژەڵ و پەلەوەر سمۆرەی باڵدار نمایش دەکرێت

ئەحمەد شەمزین – هەولێر

لە پارکی کورد و عەرەب لە شاری هەولێر پێشانگایەکی تایبەت بۆ ئاژەڵ و پەلەوەرەکان رێکخرا و یەکێک لە بەشداربووەکانیش سمۆرەیەکی باڵداری هێناوە.

سەید ئەحمەد، کە فرۆشیارێکی ئاژەڵ و پەلەوەرە دەگمەنەکانە بە 964ـی وت: ئەم سمۆرە باڵدارە شوێنی خۆی تایلەند و چەند وڵاتێکی ترە، بەڵام لێرە خەڵک خواستیان لەسەری هەیە و نرخەکەشی لە 150 بۆ 200 دۆلارە.

ئەو فرۆشیارە باسی لەوەشکرد، تا ئێستا 100 جووتی لەو سمۆرەیە هێناوە و لەو ژمارەیەش تەنیا 15 دانەی لا ماوە، جگەلەوەش ئاژەڵ و پەلەوەری دیکەی هێناوە و ئەوانیش نرخەکانیان لە شەش تا 50 وەرەقەیە.

پێداچوونەوە هەژان هادی