تەرمی ئەو گەنجەی لە کونەماسی خنکا لە پزیشکی دادی سلێمانییە – وێنە؛ پۆلیسی سلێمانی
تەرمەکەی لە پزیشکی دادی سلێمانییە
گەشتیارێکی عەرەب لەکاتی مەلەکردن لەناو ئاوی کونەماسی خنکا
شۆڕش قادری
گەنجێکی بەنەتەوە عەرەب لەکاتی مەلەکردن لەناو ئاوی کونەماسی خنکا و تەرمەکەی لە پزیشکی دادیی سلێمانییە.
رووداوەکە بەم شێوەیە بووە، کەسێکی بەنەتەوە عەرەب بەناوی (أ،ق،ج) لەدایکبووی ساڵی 2008 بۆ گەشت و سەیران چووەتە ناوچەی گەشتیاری کونەماسی لە شارباژێڕ، دوای ئەوەی بپ مەلەکردن چووەتە ناو ئاوەکە، خنکاوە.
مەفرەزەکانی بەشی پۆلیسی شارباژێر و بنکەی پۆلیسی گاپێڵیۆن بەهەماهەنگی لەگەڵ تیمی غەواسی دوکان و هێزە ئەمنییەکانی ناوچەکە تەرمەکەیان دەرهێناوەتەوە و رەوانەی پزیشکی دادی سلێمانیان کردووە.
ئەم زانیاریانە لەلایەن بەڕێوەبەرایەتی پۆلیسی پارێزگای سلێمانی بڵاوکراوەتەوە، دوای وەرگرتنی بڕیاری دادوەر و تەواوبونی رێکارە یاساییەکان تەرمەکە رادەستی کەسوکاری دەکرێتەوە.