پێچى رووداوەکان فراوان دەکرێت

ئاکام غەفور- سۆران

ئەو پێچەى لە رێگاى گەلى عەلى بەگ ببو بە بەڵاى شۆفێران و ناوە ناوە رووداوى هاتوچۆى تێدا روودەدات، دواى راپۆرتێکى 964 مشورى خوراو فراوان دەکرێت.

پێچەکە کە بە پیچى قەپان ناسراوە و نزیگە لە گەلى عەلى بەگ، لەماوەى رابردوودا بەهۆى تەسکییەکەیەوە چەندین رووداوى هاتوچۆ تێیدا روویاندا، بەجۆرێک تەنیا لە شەش مانگدا لەو سنوورە لە 45 رووداودا 5 گیان لەدەستدان و 56 بریندار هەبوون.

ئەمڕۆ تیمەکانى هاتوچۆى سۆران دەستیان بە فراوانکردنى پێچەکە کرد، بەشێوەیەک چوار مەتر فراوان دەکرێت و کارەکەش بۆ سێ پێچى ترى رێگاکە ئەنجام دەدرێت.

پێداچوونەوە: وریا فەتاح