دوو ئاگر کەوتنەوە لە دوو گوندی زاخۆ روویاندا و کۆنتڕۆڵکران

فەرەهاد حەسەن

بەرگری شارستانی زاخۆ هەواڵی روودانی دوو ئاگرکەوتنەوەی لە سنووری ئیدارەکەی بڵاوکردەوە کە ئەمڕۆ لە دوو شوێنی جیاواز بووە و دەڵێت هەردووکیان لەلایەن تیمەکانەوە کۆنتڕۆڵکراون.

ئاگری یەکەمیان لە کاتژمێر 10:35 خولەکی پێشنیوەڕۆ لە پووش پەڵاشی گوندی پێشابیر لە ناحیەی رزگاری کەوتبووەوە و تیمەکانی بنکەی ناحیەکە توانیویانە کۆنتڕۆڵی بکەن.

دووەمیشیان لە کاتژمێر 12:50 ی نیوەڕۆ، لە گوندی گرک سندی لە ناحیەی دەرکارێ ئاگر لە ناو پووش و پاڵاش کەوتبووەوە و تیمەکانی ن=ببنکەی ئەو ناحیەیەش توانیویانە کۆنتڕۆڵی بکەن.

بەرگری شارستانی زاخۆ هیچ ئاماژەیەکی بە زیانی گیانی یاخود مادی لە دوو رووداوە نەکردووە.