بەکارهێنانی دەرمانی لەباربردنی کۆرپەلە سنووردار دەکرێ

ئەحمەد مستەفا

بڕیارێک لە وەزارەتی تەندروستی حکومەتی هەرێمی کوردستانەوە، ئەو دەرمانانەی کەوا بەكاردێن بۆ لەباربردنی كۆرپەلە سنووردار کرد، وە بەهیچ شێوەیەك بەبێ راسپاردە و رەچێتەی پزیشكی پسپۆڕی ژنان، نابێت ئەو دەرمانانە بدرێت بە چارەخواز.

بڕیارەکە وەزارەتی تەندروستی بۆ سەرجەم دەرمانخانەکانی هەرێمی کوردستانی ناردووە و ئەم ئێوارەیە 30.6.2026 بڵاوکرایەوە، بەڵام واژۆی نوسراوەکە لە 11.5.2026 کراوە.

بەگوێرەی نوسراوێكی وەزارەتی تەندروستی کە ئاڕاستەی سەرجەم بەڕێوبەرایەتییە گشتییەكانی تەندروستی و سەندیکاکانی پزیشکان و دەرماسازان و کارمەندان كراوە، ئەو بڕیارە روون کراوەتەوە.

وە باس لەوەکراوە، لەبەر بەرژەوەندی گشتی كاری پێویست ئەنجام بدەن بە سنورداركردنی بەكارهێنانی ئەو دەرمانانەی کەوا بەكاردێن بۆ لەباربردنی كۆرپەلە و جەخت دەکاتەوە کەوا بەهیچ شێوەیەك بەبێ ڕاسپاردە و ڕەچێتەی پزیشكی پسپۆڕی ئافرەتان نابێت ئەو دەرمانانە بدرێت بەهیچ کەسێک.

وە نابێت بەبێ پزیشکی پسپۆڕی ئافرەتان بدرێت لە دەرمانخانەكان وە نابێت هیچ کۆمپانیا و کۆگایەک ئەو دەرمانانە بدات بە هیچ شوێنێکی نافەرمی، بەپێچەوانەوە بەرپرسیارەتیەکی هەستیارە و ڕێکاری یاسایی وەردەگیرێت.

دەقی نوسراوەکەی وەزارەتی تەندروستی؛