"بەشەرتی پەمەیی و زبر و شیرینی"
نۆبەرەی شووتیە بەناوبانگەکەی شارەزوور کەوتە بازاڕەوە “هەرزانیشە”
بڕوا مەجید _ شارەزوور
نۆبەرەی بەرهەمی شووتیی دەشتی شارەزوور گەیشتە ناو بازاڕی قەزاکە و بەهۆی سروشتی بوون و کوالێتییەکەیەوە، سەرنجی کڕیارانی ڕاکێشاوە و شووتی فرۆشێکیش دەڵێت “نرخەکەی هەرزانە”.
بڕوا کامەران، فرۆشیارەکەیە، پیکابێک باری شوتیی گوندی “چەناخچیان”ی هێناوەتە ناو بازاڕ و کیلۆی بە 400 دینار دەفرۆشێت، بە 964 وت “ئەمە یەکەم ڕۆژ و یەکەم بەری شوتییەکەی شارەزوورە و ئێمەش بەشەرتی زبری، شیرینی و بەتایبەت بێدەرمانی دەیفرۆشین.”
باس لەوەدەکات، ئەگەر شووتی سروشتی بێت و دەرمانی تێنەکرێت، ڕەنگەکەی پەمەییە، بەڵام ئەگەر دەرمانی پێگەیشتنی خێرای تێبکرێت، ڕەنگەکەی سوورێکی تۆخ دەبێت. بۆیە لێرە بۆ هەموو کڕیارێک بە شەرت پێیدەدەن.
لەوەتەی هەیە، دەشتی شارەزوور بە یەکێک لە دەشتە هەرە بەپیتەکانی هەرێمی کوردستان بۆ بەرهەمە کشتوکاڵییەکان دادەنرێت و ئێساش کە شوتییەکەی پێگەیشتووە فرۆشیاران بەبێ منەتی دەیفرۆشن.
پێداچوونەوە؛ فەرهاد حەسەن