شوانێک هەڵدێرا و گیانی لەدەستدا

فەرمان مەلا حەسەن – راپەڕین

ئێوارەی ئەمڕۆ شوانێکی خەڵکی گوندی رەزگەی سەر بە شارۆچکەی ژاراوەی قەزای پشدەر کە تەمەنی 28 ساڵ بوو لە کوێستانەکانی گوندی رەزگە هەڵدێرا و گیانی لەدەستدا.

محەمەد عوسمان، ئامۆزای ئەو شوانەیە بۆ 964 وتی، “ئامۆزاکەم شوان بووە لە کوێستانی سلێمان پەڕە لە نزیک گوندی رەزگە لەکاتی کارەکەی هەڵدێراوە و کەوتووەتە ناو کونی رەنووە بەفر و گیانی لە دەستداوە”

وتیشی، “رووداوەکە لە کاتژمێر 6:30 خولەکی ئێوارە روویداوە و خیزاندار نەبووە”

پێداچوونەوە: ژێوار خدر