“دەنگی بزوێنەر لە هەر ئۆتۆمبێلێک پەیوەندی بە شۆفێرەوە هەیە”

964+

کاردۆست حسێن – هەولێر

ئەو تێڕوانینەی دروست بووە گوایە ئۆتۆمبێلی چینی دەنگی بزوێنەری هەیە ئەوە وەستایەکی شارەزای ئۆتۆمبێل دەڵێت ئەکرێت هەموو ئۆتۆمبێلێک ئەو دەنگەی لێوە بێیت و پەیوەندی بە شۆفێرەکەیەوە هەیە تا چوند رۆن و بەنزینی باشی تێدەکات.

وەستا شاخەوان سەڵاح شارەزا و وەستای چاککردنەوەی ئۆتۆمبێلە لە هەولێر بۆ 964 دەڵێت، خەڵکی خۆمان داوای رۆنی باش و هەرزان دەکات، شتی ئاواش هەر نییە چوونکە زیان بە ئۆتۆمبێلەکەت دەگات.

دەشڵێت، ئۆتۆمبێلی ئێستا بە گشتی نەک هەر چینی بزوێنەر و گێڕیان ناسکە و بۆیە دەبێت بەنزین و رۆنی کوالێتی بەرزیان تێکەیت ئەگینا تووشی کێشەت دەکەن و دەنگیش پەیدا دەکەن.

پێداچوونەوە: توانا نەقی