سوپای پاسداران: درۆنێکمان خستەخوار و درۆنێک و فڕۆکەیەکی دیکەی ئەمریکامان ناچار بەهەڵاتن کرد – وێنە؛ ئەرشیف
سوپای پاسداران:
“درۆنێکمان خستەخوار و درۆنێک و فڕۆکەیەکی دیکەی ئەمریکامان ناچار بەهەڵاتن کرد”
شۆڕش قادری
سوپای پاسدارانی ئێران دەڵیت، درۆنێکیان لە ئاسمانی کەنداوی فارس خستووەتە خوار و درۆنێک و فڕۆکەیەکی دیکەی ئەمریکایان ناچار بە هەڵاتن کردووە.
پەیوەندییە گشتییەکانی سوپای پاسداران لە راگەیەنراوێکدا دەڵێت، “دوای ئەوەی چەند درۆن و فڕۆکەیەکی سوپای ئەمریکا ئاسمانی ئێرانیان لە سنووری کەنداوی فارس بەزاندووە، سیستمی بەرگری وڵاتەکەمان خراوەتەکار و توانیویەتی درۆنێک لە جۆری MQ9 بخاتەخوارەوە، درۆنێکی دیکەش لە جۆری RQ4 لەگەڵ فڕۆکەیەکی F35 ناچار بە هەڵاتن کراون و لە ناوچەکە دوورخراونەتەوە”.
شەوی رابردووش چەند دەنگی چەند تەقینەوەیەک لە بەندەرعەباس و باشووری ئێران بیسترا و دواتر فەرماندەیی ناوەندی سوپای ئەمریکا (سێنتکۆم) رایگەیاند، دوو بەلەمی سوپای پاسدارانیان لە گەرووی هورمز تێکشکاندووە لەکاتێکدا سەرقاڵی دانانی مینی دەریایی بوون.