“رێگە مەدەن میوە و سەوزەی خراپ و بێ کوالێتی بچێتە بازاڕەکانەوە”

ژووری هەواڵ

بەمەبەستی بەدواداچون بۆ کارەکانی عەلوە، قایمقامیەتی شاری سلێمانی سەردانی عەلوەی کرد و لایەنە پەیوەندیدارەکانی راسپارد رێگە نەدەن میوە و سەوزەی خراپ و بێ کوالێتی بچێتە بازاڕەکانەوە.

لە راگەیەندراوێکی قایمقامی سلێمانیدا هاتووە، کە فازڵ عومەر، قایمقامی سلێمانی بە وەکالەت لەگەڵ سەرۆکی لیژنە هاوبەشەکان و نوێنەری ئاسایش لە لیژنە هاوبەشەکان سەردانی عەلوەی سلێمانیان کرد و سەندیکای عەلوە و نوێنەری جوتیارانی و بەشەکانی عەلوەی بەسەرکردەوە.

قایمقامی سلێمانی لیژنە هاوبەشەکان و سەندیکای عەلوە و نوێنەری جوتیارانی راسپارد کە رێگە نەدەن میوە و سەوزەی خراپ و بێ کوالێتی بچنە بازاڕەکانەوە، جەختیشیکردەوە کە دەستگیرۆیی تەواوی جوتیاران و بەرهەمی ناوخۆیی بکەن.