پۆلیس پێی زانیوون
لە نزیک دیانا 15 گۆمی راوچییەکان روخێنرا
964+
ئاکام غەفوور – سۆران
لە دەشتی دێلزیانی ناحیەی دیانا 15 گۆم تێکدران، کە لەوێوە شەوان راوچی مشتیان لە باڵندەی کێوی خۆش دەکرد و راویان دەکردن، هەر زوو پۆلیس بەمەی زانیوو و شۆفڵ و حەفارەی بۆ بردن.
وە پێنج راوچیش قۆڵبەستکراون.
گۆمەکان شوێنی مانەوە و نیشان گرتنی تێدا دروست کرابوو، ئەمڕۆ چوارشەممە 13.5.2026، پۆلیسی دارستان و ژینگەی سۆران رووخاندنی.
ئەمیر خۆشەوی بەرپرسی راگەیاندنی پۆلیسی ژینگە و دارستانی سۆران، بە 964ـی وت، لەسەر ئەو گۆمە نایاساییانە پينج راوچی قۆڵبەستکراون و بەپێی یاسا سزا دەدرێن.
پێداچوونەوە: ئەحمەد مستەفا