تاران و بەغدا جەخت لەسەر بەهێزکردنی رێکەوتنە ئەمنییەکەیان دەکەنەوە

فەرهاد حەسەن

لە کۆبوونەوەی کۆمیسیۆنی باڵای ئەمنیان، تاران و بەغدا دووپاتیان لەسەر بەهێزکردنی رێکەوتنە ئەمنییەکەی نێوانیان کردەوە.

ئاژانسی (ئیسنا)ی ئێرانی بڵاویکردەوە، ئەمڕۆ کۆمسیۆنی باڵای ئەمنی عێراق و ئێران، لە بەغدا کۆبوونەوە و جەختیان لەسەر گرنگی بەهێزکردنی هەماهەنگی هاوبەشی ئەمنی و چڕکردنەوەی رێوشوێنی کۆنترۆڵکردنی سنوورەکان کردووەتەوە.

هەردوولا، کار بۆ رێگریکردن لە هەر دزەکردن یاخود جموجۆڵێکی “تاقمە تیرۆریستییەکان” دەکەن، بۆ ئەوەی بتوانن ئاسایش و سەقامگیری هەردوو وڵات و ناوچەکە دوور لە هەڕەشە بهێڵنەوە.