لۆگۆی وەزارەتی ناوخۆ
وەزارەتی ناوخۆی هەرێمی کوردستان
ئەو کەسەی سووکایەتی بە زیارەتکارانی شیعە دەکرد دەستگیر کرا
964+
ئەرسەلان عەبدوڵا
وەزارەتی ناوخۆی هەرێم رایگەیاند، هاوڵاتییەک بە ناوی عمر جەمال، کە لە تۆڕی کۆمەڵایەتی X چەند پۆستێکی نەگونجاوی دەربارەی زیارەتکارانی شیعە بۆ مەزارە پیرۆزەکان کردووە، لەسەر فەرمانی دادوەر دەستگیر کرا.
وەزارەتی ناوخۆ ئەمڕۆ هەینی 24.4.2026 دەڵێت، “مافی ئازادیی نووسین و گوزارشتکردن لە چوارچێوەی یاسا بەرکارەکان لە هەرێمی کوردستان پارێزراوە و نابێ ئەو ئازادییە تەشهیری بۆ هیچ پێکهاتەیەکی کۆمەڵگە تێدابێت و ئاشتی کۆمەڵایەتی بشێوێنێ، بە پێچەوانەوە سەرپێچیکار بەرپرسیار دەبێت بەرامبەر یاسا”.
هەروەها لە راگەیاندراوی وەزارەتەکەدا هاتووە، “لەسەر ئەو بنەمایە ناوبراو لە لایەن پۆلیس و لەسەر فەرمانی دادوەر دەستگیر کراوە و رێکاری یاسایی لەبەرامبەر گیرایەبەر”.
