ئیبراهیم و تیمەکەی 40 ساڵە خەریکن

ئیبراهیم حەسەن – عامودا

ئیبراهیم عەبدوڵا موهاجیر، پیشەکارێکی بواری دروستکردن و چاککردنەوەی خانووە قوڕینەکانە، دەڵێت نزیکەی 40 ساڵە لەم پیشەیەدا کار دەکات.

ئەوان لە کارەکانیاندا خۆڵی سەربانی خانووەکان لادەبەن و دواتر سەربانەکە بە ئاسنی شەپۆلدار دادەپۆشن و قوڕی لەسەر دادەنێن، پاشان دیوارەکان بە قوڕ دەگرن.

موهاجیر باس لەوە دەکات کە خانووە قوڕینەکان لە وەرزی زستاندا گەرمن و لە هاویندا فێنکن، بۆیە لە زستاندا پێویستییان بە گەرمکەرەوەی کەمترە.

ئەو روونی دەکاتەوە کە وەرزی کارکردن بە قوڕ لە مانگی ئەیلولەوە دەست پێدەکات و تا مانگی تشرینی دووەم بەردەوام دەبێت، خاکی بەکارهێنراو دەبێت رەش بێت، نەک سوور، و زۆرجار لە گوندەکانەوە دەهێنرێت.

لە ماوەی رابردوودا هەندێک خەڵک دەستیان کردووە بە گەڕانەوە بۆ خانووە قوڕییەکان و جیاوازییەکانیان لەگەڵ خانووە نوێترەکان بەچاو دەبینرێ، موهاجیر دەڵێت خانووی قوڕ دەتوانێت بۆ ماوەیەکی درێژ بمێنێتەوە، ئەگەر بناغەکەی بەهێز و دروست بێت.

پێداچوونەوە: ئەحمەد مستەفا