بە رووداوێکی هاتوچۆ دوو کەس گیانیان لەدەستدا و 10ی دیکە بریندار بوون

964+
زەید کۆچەر – ئاکرێ

ئێوارەی ئەمڕۆ هەینی، لە رووداوێکی هاتوچۆدا لە دووڕێیانی ناحیەی گردەسێن لە سنووری قەزای ئاکرێ لە پارێزگای دهۆک، دوو کەس گیانیان لەدەستداوە و 10ی دیکەش بریندار بوون.

بەپێی زانیارییەکان رووداوەکە لەنێوان دوو ئۆتۆمبێلی جۆری ئۆپڵ بووە.

نێچیرڤان فەخرەدین وتەبێژی تەندروستی قەزای ئاکرێ بە 964ی وت، ئەوانەی گیانیان لەدەستداوە ژن و پیاوێک بوون و تەمەنیان لە دەوروبەری 25 ساڵیدایە.

وتیشی، یەکێک لە بریندارەکان دۆخی سەختە و رەوانەی نەخۆشخانەکانی دهۆک کراوە.