بەرزترینە لە پێنج مانگی رابردوو
نرخی نەوت گەیشتە سەروو 114 دۆلار
964+
کاکەلاو عەبدوڵا
نرخی نەوتی خاوی برێنت بۆ بەرزترین ئاستی لە پێنج مانگی رابردوودا بەرزبوویەوە و نرخی بەرمیلێک گەیشتە سەروو 114 دۆلار.
ئەمڕۆ هەیینی لە بازاڕەکانی جیهاندا نرخی نەوتی خاوی برێنت بەرزترین ئاستی لە پێنج مانگی رابردوودا بەخۆیەوە بینی و گەیشتە 114.14 دۆلار بۆ هەر بەرمیلێک، نرخی نەوتی خاوی تەکساسیش گەیشتە سەروو 100 دۆلار بۆ هەر بەرمیلێک.
دواینجار کە نرخی نەوتی خاوی برێنت برێنت گەیشتە 114 دۆلار بۆ هەر بەرمیلێک مانگی ئایاری ئەمساڵ بوو.
بەرزبوونەوەی نرخی نەوت لەکاتێکدایە دۆخی رۆژهەڵاتی ناوەراست لە ئەوپەڕی ئاڵۆزیدایە و مەترسی هێرشی حوسییەکان بۆ سەر ژێرخانی نەوتی سعودیە زیادیکردووە، بەتایبەتی کە چەند رۆژێکە حوسییەکان دامەزراوە نەوتییەکانی ئارامکۆی سعودیە بەئامانجدەگرن.