شەربەتە دەست بەسەرداگیراوەکان
بەرواری لەسەر نەبووە
100 لیتر شەربەتی دەبە دەستی بەسەرداگیرا
964+
ئەحمەد مستەفا
لە یەکەم رۆژی مانگی رەمەزان، لە بەردەرەشی دهۆک دەست بەسەر بڕێکی زۆر شەربەتی ماوەبەسەرچوو گیرا، کە 100 لیتر بووە و ویستراوە ساغ بکرێتەوە.
لیژنەکان چوونەتە بازاڕ و بەدوای بەرهەمی بەسەرچوو، گرانی گەڕاون، بەڵام ئەو شەربەت بێ بەروارانەیان بینیوە.
ئەمڕۆ چوارشەممە 18.2.2026، لیژنەی ئابووری سەر بە قایمقامیەتی قەزای بەردەرەش لە بەردەوامی بەدواداچوونەکانیاندا توانیویانە دەست بەسەر بڕەکەدا بگرن و راگەیەندراوێکیان بڵاوکردووەتەوە.
بەپێی راگەیەندراوەکە، ئەو بڕە شەربەتە هیچ بەروارێکی دروستکردن یان بەسەرچوونی لەسەر نەبووە، خاوەنەکەی دانیشتووی پارێزگای دهۆک بووە و بە مەبەستی ساغکردنەوە و فرۆشتنی لە ناو بازاڕەکانی قەزای بەردەرەش ویستوویەتی ساغی بکاتەوە.
بەڵام، پێش ئەوەی بگاتە دەست هاوڵاتییان، شەربەتەکە دەستی بەسەردا گیراوە و لیژنەکە لە راگەیەندراوەکەیدا دەشڵی، لیژنەکانمان بەردەوام دەبن لە چاودێریکردنی بازاڕ بۆ پاراستنی تەندروستی گشتی، بەتایبەت لەم مانگە پیرۆزەدا.
