کەسێگ گیانى لەدەستدا و یەکێکى تر بریندارە؛ ئۆتۆمبێلێکى گولەنەبڕ تەقییەوە

964+

وریا فەتاح

کەمێک پێش ئێستا، ئۆتۆمبێلێکی جۆری لاندگرۆزەر لە نزیک گوندی “حەسەن تەپە” تەقییەوە، بەهۆیەوە کەسێک گیانی لەدەستدا و کەسێکی دیکەش بریندار بوو.

رووداوەکە کاتژمێر 7:40 خولەکى ئێوارەی ئەمڕۆ، لە نێوان شارۆچکەی پیرەمەگروون و بازگەی “کەڵەوانان”، روویداوە و ئۆتۆمبێلێکی لاندگرۆزەر لە کاتی رۆیشتندا تەقیوەتەوە.

بە وتەی سیروان سەرحەد، قائیمقامى قەزاى دوکان کە بۆ 964 قسەى کردووە، ئۆتۆمبێلەکە وەرنەگەڕاوە، بەڵکو راستەوخۆ تەقیوەتەوە و ئاگری گرتووە.

لەبارەى ئەوەى هێرشى درۆنى بووە یان چى، سیروان سەرحەد، وتى،”جارێ نازانین، لە ناو ئۆتۆمبێلەکەدا دوو کەس هەبووە، یەکێکیان گیانی لەدەستداوە و ئەویتریان بریندارە، بەڵام هێزە ئەمنییەکان لێکۆڵینەوە دەکەن و یەکلایى دەکەنەوە”.

زیاتر دێت…