"لە ئەڵمانیاوە كڕیارم هەبووە"
خاوەنی 50 كۆتری گرانبەهایە و دەڵێت “كۆتر حەزە و خەمڕەوێنە”
964+
دیلان محەمەد – سلێمانی
زیاتر لە 50 كۆتری بەهاداری لەماڵەوە هەیە و ئەو كۆترەشی كە بەدەستیەوەیە دەڵێت نرخەكەی زیاتر لە پێنج هەزار دۆلارە و دەشڵێت “كۆتر بەخێوكردن تەنیا حەزە”.
هاوكار عەبدولقادر، بەخێوكاری كۆترە لە سلێمانی چەندین ساڵە خەریكی ئەم حەزەیەتی بۆ 964 باس لە كۆترەكەی دەكات كە ئەڵمانییە و بۆیەشە نرخەكەی گرانە چونكە تایبەتمەندی خۆی هەیە لەوانەش دەنووكی زۆر كورتە و لووتی گەورەیە.
ئەو دەڵێت، كۆترەكەی لە بازاڕدا هاوشێوەی نییە و بەهۆی زۆر سەرقاڵبوونیشی بە كۆترەوە لە ئەڵمانیاوە داوای كڕینی كۆترەكانیان لێ كردووە و دەشڵێت “كۆتر بەخێوكردن تەنیا حەزە بەڵام بوونی كۆتر خەمڕوێنیشە”.
پێداچوونەوە: فەرهاد حەسەن
