ئۆتۆمبێل نامێنێت و پیاسەکردن دەستپێدەکات
لە سلێمانی بەشێکی شاڕێی سالم بۆ سەری ساڵ دادەخرێت
دیلان محەمەد – سلێمانی
هاتوچۆی ناو شاری سلێمانی ئامادەکاری دەکات بۆ داخستنی بەشێکی شاڕێی سالم ، ئەویش بەبۆنەی هاتنی سەری ساڵ و دەیانەوێت لە شاڕێیەکە لە جیاتی هاتوچۆی ئۆتۆمبێل، هاوڵاتیان بە پێ هاتۆچۆ و پیاسەی پێدابکەن.
بەهمەن ئەحمەد، بەڕێوەبەری هاتوچۆی ناوشار لە سلێمانی بە 964ـى راگەیاند، لە ئێستاوە دەستیان بە داخستنی کۆڵانە لاوەکییەکانی ئەو شەقامە کردووە، بۆ ئەوەی لە کاتژمێر 4:00ـى ئێوارە رێگاکە بە یەکجاری دابخەن.
پێشتر د.هەڤاڵ ئەبوبەکر پارێزگاری سلێمانی رایگەیاندبوو، بەهۆی ئەو لافاوەی رووبەڕووی چەمچەماڵ و دەوروبەری بووەوە، وەک هاوخەمییەک بۆ هاوڵاتیانی قەزاکە، بۆ سەری ساڵ هیچ ئاهەنگێکی فەرمی لە سلێمانی ساز ناکرێت.
پێداچوونەوە؛ فەرهاد حەسەن