لە هەینییەوە
بەشێکی شەقامی 120 مەتری بۆ ماوەی چوار رۆژ دادەخرێت
964+
ژێوار خدر
شۆفێران ئاگادار بن لە رۆژی هەینییەوە رێگەی سەرەکی 120 مەتری لە شەقامی کەرکوک بە ئاڕاستەی موسڵ بۆ ماوی چوار رۆژ دادەخرێت و بەکاری مەهێنن.
سەرۆکایەتی شارەوانی هەولێر ئاگادارییەکی بڵاوکردووەتەوە و دەڵێت، بەهۆی کاری چاککردنەوە لە جۆینتەکانی رێگەی سەرەکی 120 مەتری لەسەر شەقامی کەرکووک بە ئاڕاستەی موسڵ لە رۆژی هەینی 21.11.2025، کاتژمێر 7:00ـی بەیانی بۆ ماوەی چوار رۆژ دادەخرێت.
دەشڵێت، شۆفێران دەتوانن لەم ماوەیەدا شەقامی 100 مەتری و 60 مەتری و شەقامەکانی دیکە وەک شەقامی جێگرەوە بەکار بهێنن.
