دیمەنێکی چاڤیلاند لە سلێمانی - وێنە؛ سۆشیال میدیا
لەبری قەرزی کارەبا
کارەبای سلێمانی 13 موڵکی کۆمپانیای چاڤی دەفرۆشێت
964+
شۆڕش قادری
بەڕێوەبەرایەتی کارەبای سلێمانی 13 موڵکی کۆمپانیای چاڤی دەفرۆشرێت لەبەری قەرزی ئەو کارەبایەی کە دەوترێت لە سەر کۆمپانیاکەیە و بڕەکەی زیاترە لە سێ ملیار و 580 ملیۆن دینار.
بەپێی بانگەوازێکی بەڕێوەبەرایەتی گشتی کارەبای سلێمانی، “بەڕێوەبەرایەتی جێبەجێکردنی دووەمی سلێمانی لەسەر داوای بریکاری داواکار ( وەزیری کارەبای حکومەتی هەرێمی کوردستان / سەرەڕای کارەکەی) لە رێگەی زیادکردنی ئاشکراوە هەڵدەستێت بە فرۆشتنی 13 موڵکی کۆمپانیای چاڤی کە سەرجەمیان لە کەرتی 1ـی مەڵکەندی و دەباشانـن و تۆمارن بە ناوی کۆمپانیای چاڤی بۆ وەبەرهێنانی گەشتیاری – هاوپشکی تایبەت”.
ئاماژە بەوەشکراوە، فرۆشتنی ئەو موڵکانە بەرامبەر قەرزی خاوەن قەرز ئەنجام دەدرێت کە وەزیری کارەبای حکومەتی هەرێمی کوردستانە و بڕەکەی سێ ملیار و 580 ملیۆن و 710 هەزار دینارە بە رەسمی جێبەجێكردنی بەڕێوەبەرایەتی کارەبای سلێمانی.
هەر کەسێک ئارەزووی بەشداریکردنی هەیە، دەتوانێت سەردانی بەڕێوەبەرایەتی گشتی کارەبای سلێمانی بکات و لە بەشی ژمێریاری بارمتەی یاسایی بە ڕێژەی (10٪)ـی نرخی خەمڵێندراوی ئەو 13 موڵکە دابنێت و ناسنامەی نیشتیمانی و پشتگیری شوێنی نیشتەجێبوونیش لەگەڵ خۆی ببات.
زیادکردنەکە لە ماوەی 30 رۆژدا و لە رۆژی دوای بڵاوکردنەوەی ئەم ئاگادارییە لە رۆژنامەدا، لە بەڕێوەبەرایەتی کارەبای سلێمانی و لە کاتژمێر 12ـی نیوەڕۆ ئەنجام دەدرێت.
سەرەتای مانگی 10ـی ئەمساڵیش، وەزارەتی دارایی و ئابووری هەرێمی کوردستان، 60 موڵکی دیکەی کۆمپانیای چاڤی لە زیادکردنی ئاشکرادا فرۆشت.
ئاکار محەمەد: هیچ پەیوەندییەکم بە کڕینی موڵکەکانی چاڤیەوە نییە
