لۆگۆی واتسئاپ.
بەمزووانە دەکەوێتەکار
واتسئەپ تایبەتمەندییەكی نوێی پاراستنی زانیارییەكانی راگەیاند
964+
ئەرسەلان عەبدوڵا
پلاتفۆرمی واتسئەپ تایبەتمەندییەکی نوێی راگەیاند کە بۆ بەرزکردنەوەی ئاسایشی بەکارهێنەر دارێژراوە، كە ئەویش لە رێگەی گۆڕینی وشەی نهێنی ئاسایی بە Passkey، بۆ سیستمێک کە پەنجەمۆر یان ناسینەوەی دەموچاو بەکاردەهێنێت بۆ پاراستنی كۆپییەكی چاتی کۆدکراو لە كەسێكەوە لەگەڵ كەسێكی دیكە.
تایبەتمەندییەكە پێشبینیی دەكرێت لە چەند هەفتەی داهاتوودا وردە وردە لە سیستمەكانی ئای ئۆ ئێس و ئەندرۆیددا بڵاوبکرێتەوە، ئەمەش پاراستنی زانیارییەکان ئاسانتر دەکات بەبێ ئەوەی پێویست بکات پاسۆردی درێژ و ئاڵۆز دابنرێت و دواتر لەبیر بکرێت.
لە ساڵی 2021ەوە واتسئەپ بژاردەی کۆدکردنی كۆپییەكی وێنە و دەنگ و ڤیدیۆی پێشکەش کردووە، بەڵام پێشتر بەکارهێنەران دەبوو وشەی نهێنی یان كۆدێكی درێژی 64 ژمارەیی لەبەر بكەن و داخیل بكەن، ئەمەش زەحمەتییەكی زۆری بۆ دروست ببوو.
بەڵام لەمەودوا بە Passkey دەتوانرێت پاراستن بە ئاسانی لە رێگەی رەسەنایەتی بایۆمەتری یان کۆدی قوفڵی ئامێرەکەوە چالاک بکرێت، ئەمەش پرۆسەکە خێراتر و پارێزراوتر دەکات.
دوای نوێکردنەوەکە دەتوانرێت تایبەتمەندییەکە چالاک بکرێت بە چوونە ناو Settings و پاشان Chats و پاشان Backup و پاشان End-to-End Encrypted و هەڵبژاردنی Passkey لەبری ئەوەی وشەی نهێنی درێژ دابنێیت.
تایبەتمەندییە نوێیەکە ئاستێکی بەرزی ئاسایش پێشکەش دەکات، چونکە بابەتە هەڵگیراوەكان بە تەواوی بە کۆدکراوی دەمێننەوە و دەستی كەسیان پێناگات.
سەرەڕای بەهێزی کۆدکردنیش، بەڵام پەنجەمۆر یان پاسۆرد بە پێویستی بۆ پاراستی پلاتفۆرمەكەت دەمێنێتەوە، بەو پێیەی هەر کەسێک مۆبایلی هەبێت و شێوازی رەسەنایەتی دروستی هەبێت، دەتوانێت دەستی بگات بە پاشەکەوتەکان.
