نەجات خۆی و منداڵەكانی لە مەترسی نەجاتیان بوو

964+

عەبدولعەزیز خالند- هەولێر

هاوڵاتییەكی گەڕەكی فەرمانبەرانی هەولێر، شوكری خوا دەكات خۆی و منداڵەكانی لەماڵ نەبوون، ئەگەرنا شتێكیان بەسەردەهات، چونكە تەقینەوەی بەنزینخانەكەی لای ماڵیان، شووشەی پەنجەرەكانی ماڵەكەی هەموو شكاندووە و زیانی زۆری بە ماڵەكەی گەیاندووە.

هەڤاڵ نەجات، خاوەن ماڵەكەی و كاسبكارە، بۆ 964ی گێڕایەوە، كە 20 خولەك دوای ئەوەی لە ماڵ دەرچوون، بەنزینخانەكە گڕی گرتووە و تەقینەوەیەكی بەهێزیش روویداوە.

بەیانی ئەمڕۆ لە گەڕەکی فەرمانبەرانی هەولێر و لەسەر جووتسایدی زەیتونە ئاگرێکی گەورە لە بەنزیخانەی لاپ کەوتەوە و 10 تیمی بەرگریی شارستانی خەریك بوون تا كۆنتڕۆڵیان كرد.

جگە لە سووتانی بەنزینخانەكە و دوو بارهەڵگر و تاكسییەك، شەش كارمەندیش بریندار بوون، ئەمە جگە لەوەی زیانی زۆر بە ماڵەكانی دەوروبەری بەنزینخانەكە كەوتووە.

هەڤاڵ نەجات گێڕایەوە هاوسەرەكەی تازیەی هەبووە و شەو لە ماڵ نەبووە، منداڵەكانیشی 20 خولەك پێش تەقینەوەكە گەیاندووەتە ماڵی ئەو خزمەتی پرسەكەی لێ بووە.

ئەو شوكری خوا دەكات لەوێ نەبوون، ئەگەرنا دوورنەبوو شتێك بەسەر خۆی و منداڵەكانی بێت.

ماڵەكەی هەڤاڵ هەمووی شووشەی پەنجەرەكانیەتی و زۆر شتیان شكاوە، دەشڵێت، هێشتا دیار نییە چی دەكرێ و قەرەبوو دەكرێنەوە یان نا.

پێداچوونەوە: ئەرسەلان عەبدوڵا

لە ئاگری بەنزینخانەکەی هەولێر دوو بارهەڵگر و ئۆتۆمبێلێک سووتاون