ئیدارەی گەرمیان
کارکردن لە رێگاکانی گردە گۆزینە و شێخ لەنگەر و کۆس بەردەوامە
964+
توانا نەقی
چاکردن و قیرکردنەوەی رێگاکانی شارەدێی گردەگۆزینە و شێخ لەنگەر و ناحیەی کۆکس کە دەکەونە سەر یەک هێڵ لەلایەن رێگاوبانی گەرمیانەوە بەردەوامە و بەشیکی کارەکانی تەواو بووە.
بەڕێوەبەرایەتی رێگاوبانی گەرمیان بڵاویکردەوە، بە درێژایی شەش کیلۆمەتر ئەو رێگایە لە گردە گۆزینە بۆ کۆکس کە شێخ لەنگەریش دەکەوێتە نێوانیان نۆژەندەکرێتەوە و لە ئێستا 30% کارەکانی تەواو بووە.
ئاماژەبەوەشکراوە، تێچووی پرۆژەکە پێکاهاتووە لە بڕی 571 ملیۆن و 500 هەزار دینار و لەلایەن کۆمپانیای دەرسیم جێبەجێ دەکرێت.
ئەم پرۆژەیەی ئیدارەی گەرمیان لەلایەن رێگاوبانی گەرمیانەوە جێبەجێ دەکرێت و هەر خۆیشیان دەڵێن بەردەوام دەبن لە نۆژەنکردنەوەی سەرجەم رێگاکانی سنوورەکە.
