سەرۆکى حکومەت لەوێ زەنگەکەى لێدا
ساڵڕۆژى ئیدارەى زاخۆ و زەنگى ساڵى نوێى خوێندن تێکەڵاوى یەکترى بوون
964+
لەیادى چوارساڵەى بڕیاردان لەسەر ئیدارەى سەربەخۆى زاخۆ، سەرۆکى حکومەت و وەزیرى پەروەردە، لە ئیدارەى زاخۆ، زەنگى ساڵى نوێى خوێندنیان لێدا.
ئەمڕۆ یەکشەممە، 21.9.2025، لە قوتابخانەی دمدمی تێکەڵاو لە زاخۆ، مەسرور بارزانى سەرۆکى حکومەت و ئالان حەمە سەعید، وەزیرى پەروەردە، زەنگى ساڵى نوێى خوێندنیان لێدا.
لێدانى زەنگى ساڵى نوێى خوێندن لە زاخۆ، هاوکاتە لەگەڵ یادى چوارساڵەى بڕیاردان لەسەر ئیدارەى زاخۆ کە لە 20.9.2021، بڕیاردرا زاخۆ ببێتە ئیدارەى سەربەخۆ.
